一概弃绝佢，係乜嘅缘故呢？
答话：中国自释教与道教渐渐兴，拜菩萨嘅风俗就盛行，千奇万怪，各处地方，有各样嘅神，讲唔尽咁多。共总来讲，不过二样。第一样，指生成嘅物件为神，好比有等拜天地日朋星辰。殊不知真神造天地，係畀人居住；造日月星辰，来光照世间人；造万物来养育人，如同亚爸预备产业屋舍灯火，与各样物件，保养子女一样。设使子女唔敬亚爸，反下转敬屋舍灯火，咁样做得吗？吾等知天地中，有一位大主宰，每日受其恩赐，理当多谢，唔好敬天地做神。第二样，指死後嘅人为神，如同敬玉皇、老君、真武、文昌、关羽、城隍、土地、社稷、真君、晏公、天后、张天师、神仙、双忠、三山、佛爷、观音、阎王，与各样杂神。大约这等係通国所敬拜，另有各处所拜，唔知几多。独係将这等通行敬拜嘅，辨其来历出处，自然知虚假哙弃绝佢啰。
第四十三节 讲论帝王有封神嘅权
客问：紊乱拜神，当然唔好，但係经帝王封过该等神，时唔好拜吗？
答话：帝王冇封神嘅权。或者讲玉皇所封玉皇，係汉朝尾嘅人，到宋朝徽宗政和六年，正封玉皇为天上上帝。玉皇既然受人封，佢样边有本事封别人呢？况且帝王有能为封神，佢係人类，不过有权封本国人做官，管理本国，冇权封外国人做官，来管外国，样边佢还有本事封死人为神，管理天地呢？若使有本事封死人为神，不必封别人，独独封自己祖公，做一只大神，保佑子孙永世做帝王，时係咁样唔好吗？样边讲自夏朝到今下，换开二十几朝，封神嘅事，唔单止明白嘅人知其係假，就係有多少智慧嘅人，也都唔肯信。不过藉咁样使生人忠节，使到人唔敢生出别二样心就係啰。
第四十四节 讲论玉皇
查考宋史，玉皇生在汉朝尾，姓张，其名喊做亚仪，真定府行唐县人。自细当时，学习老君教，避世在武当山，采药炼丹，医治病人。到宋朝徽宗皇帝当时，有只术士林灵，平素也係学习老君嘅教，诱惑皇上。徽宗被佢迷惑，封张仪做玉皇上帝，写符念咒，出命令被子民知，尊张仪为神，其意思係想佢保护国家长久。谁不知封张仪之後，冇几久，徽宗父子妻妾满下被金人捉去，受羞辱，讲唔出咁凄凉，死在五国城。徽宗敬玉皇至诚心，丧国家，身遭死亡，玉皇冇本事去救。今下拜玉皇侪，做乜嘅唔将徽宗皇帝来做鉴戒呢？
第四十五节 讲论老君或称老聃
查考《纲鉴》，老君生在周尾，春秋当时，其职分做史官，姓李，名耳。因佢年老，当时人称其名老子。早时孔夫子在周敬王当时，周流天下，时常与老聃往来，跟问其礼仪。在後有等好事嘅人，做本老君嘅小传，閗多讲佢生在殷朝武丁嘅时，怀胎八十二年，破其肚胈，右片□□骨，正生出世来，头颅毛与须，满下也白，故所以称佢係老子，又称佢元始上帝。到唐朝高宗王当时，又加号玄元皇帝。又到真宗当时，复加号太上老君。可惜今下人，唔晓查察，明知佢生在天地之间，翻下转称佢元始天尊，设倒老君庙来敬拜佢。独韩文公知佢係假，话该等係邪说，比老子做坐井观天，见识细小，道理唔正，想烧开其书，用先王嘅道来教佢。爱查考古文侪，就可以明白啰。
第四十六节 讲论真武
查考真武，湖广湘阳县人，姓刘名长生，自细归隐在武当山太和庵。有一日清早晨出门，天气黑暗，有危险地方，都看唔倒，失脚跌落深坑去，散发破肠来死。其嘅门徒假说师傅升天，欺骗众人。有等愚蠢嘅人，被佢诱惑，一傅百，百传千。到明朝永乐君封佢做镇天真武大将军，望佢保佑万代天下太平。殊不知，崇祯係永乐君王後代嘅子孙，忽然间被李闯害迫，在煤山自尽来死。真武当时，唔知去保护来救佢，可见世人容易受人欺骗，听人称佢係神，就去崇拜佢，自细到老都唔晓醒悟，真係令人可惜啰。吾等爱知认识造天地嘅主，诚心服事，就唔被世俗来诱惑，唔怕走落魔鬼黑暗嘅路途，行转正大光明嘅道就着啰。
第四十七节 讲论文昌
文昌姓陈，名子春，係宋朝嘅状元。到元朝仁宗三年，封佢做文昌帝君，意思係表明其才学最高。殊不知，後来该等读书人，妄想功名，称佢做司禄嘅神，佢有主权保佑人得功名，立倒文昌庙来敬拜佢，望佢保佑入学中举。做乜嘅唔查考宋朝以前，唔曾有子春当时，也有人考功名，该当时，又有那侪做司禄管理功名呢？好比有一只，其屋家贫穷，佢又唔勤力读书，又唔明白文义，徒然去拜文昌，时咁样都可以入学中举吗？设使勤力读书，又极有才学，自然国家凭文取士，自古到今也係咁样。故所以四书有讲：“君子求诸己。”唔曾话读书人爱求文昌。可见文昌，唔可以保佑人得功名就明白啰。
第四十八节 讲论关公
关公本来係姓施，其名安做寿昌，山西蒲州解梁人也。後来改姓关，其名喊做亚羽，别字云长，係後汉昭烈皇帝嘅武将。不过称佢後汉嘅忠臣唔可以称佢做护国嘅神。孔明当日，托佢守荆州，在後佢也失开荆州地方。可知生前冇本事保护汉朝，临死又冇本事保守自家尸骸，死後佢样边有能为保佑别人呢？有等好事嘅人，做明圣经，假托关公嘅名，话关公掌守天门，有主权使人或祸或福。殊不知刘备、张飞满下为关公报仇来死，佢冇能为显圣保佑；阿斗捧印出降，佢也冇本事显圣复国。今下人话关公显圣，护国庇民，做乜嘅听人诱惑咁甚呢？或者话失国家，兄弟并死，这等係天数。既然知天数，就应当敬拜定数嘅上帝，与关公有乜嘅关涉呢？关公在生忠义，人应该学其忠义，唔可以望佢保佑。今下人将三牲、果品、纸钱、香烛、想佢保佑，谁不知曹操当日待关公，上马题金，下马题银，三日一小宴，五日一大宴，佢尚且唔受其嘅；何况今下人，奉一的微礼，时可以得佢保佑吗？不过传其名畀人效法，唔係保佑人。
第四十九节 讲论城隍
查考城隍两只字嘅意思，係城外濠沟名，俗话喊护城河。又话有水嘅，就喊沟，冇水嘅；就喊隍，唔係人名。查考其历史原因，晋朝有只司马炎帝，看倒各府官员唔忠心，治理子民又冇仁爱，就将汉高祖一只忠臣灌婴嘅像画竟在木牌顶高，安置佢在赞德厅，其意思，使各官员看倒佢，来效法其忠心，行其仁爱。殊不知畀在後嘅人，假称係守城嘅神，改其名喊做城隍。因咁样，各州府县，做倒城隍庙该等官员，初壹十五，满下都去烧香，望佢保国安民。做乜嘅唔想下子，佢在生当时，佢冇能为免脱死亡；既然死开，又那还有本事来保佑人呢？又閗多讲，城隍三年一任，假说某人死开，就去做城隍，十分係好奇怪。一只人传虚，众人就听，真係使人好笑，又使人可惜啰。
第五十节 讲论土地
查考左传，社为土地嘅主，封土公，称土神。後代拜社，做土地伯公。查考社字，係平水土嘅官衔，有能为管理后土，其名即係句龙，古书有讲，句龙在颛顼皇帝当时，佢做管理后土嘅职份，做平水土嘅官员，督理开水路，平水有功劳，如同今下督理开河嘅官一样。人死也哙离开生前嘅职份，时永久都係管理后土嘅主吗？今下人唔去查考，因自己好利，塑泥像，其手揸团金，装成老人相貌，就称佢土地伯公。又话每年三月廿九，係土地诞，搭棚做戏来敬拜佢。又有等在各田头，设倒土地伯公来跪拜，作为咁样，报其功劳。殊不知土产万物，係由造化主恩赐，唔报恩土，反下转报土嘅功劳，如同得亚爸产业，叩头在田地，係咁样合唔合呢？
第五十一节 讲论社稷
查察社嘅意思，係平水土嘅官，稷係教子民耕种嘅官。今下世间人，将社稷两只字，共做一句来讲。查考稷嘅来历，係黄帝嘅孙，文王十代嘅祖公，其名喊做亚弃，才学十分广究，看地方高低燥湿，种植蔬菜，又极哙耕种五谷。在尧舜嘅当时，做农稷嘅官职教子民耕田，自该时子民，正得倒衣食，故所以人称其名后稷。佢教子民耕种，本来係有益畀人。但係佢冇能为，使倒年成丰熟，好事嘅人。称佢做五谷神，求佢保佑田园茂盛，五谷丰登。这等人，满下唔识生物养人嘅活神，来拜先代嘅人为神。殊不知后稷係上帝所生，畀等智慧佢，来教子民。书中有话：“郊社嘅礼，所以祀上帝也。”唔曾讲祀后稷，郊坛圆祀郊，係报答上帝造天嘅功劳；社坛方，祀社，报答上帝造地嘅功劳。上帝管风雨、田园、菜蔬、五谷、样事、係天地人物嘅大主宰。
第五十二节 讲论真君
真君姓许，名逊，其号安做敬之，係江西南昌府生米乡，後汉三国当时嘅人。这只人极忠厚，做过旌阳县官，治理子民极有仁爱，好习练老君嘅教，施药炼丹，死後葬在许家庄。後来遇着江西大水，冲崩民间屋舍，假作谣言，孽龙作乱，若使唔係许逊擒住，江西就哙变做湖啰。许逊门边有一只大潭，该等水周长年冇乾，侧边有一樖铁色嘅树。就係话，该樖树与该只大潭，做祭孽龙嘅地方。又话许逊一家人，男妇老少鸡狗，白日升天。传等假话，诱惑好多人。至到宋朝徽宗皇帝，也习练老君道教，封许逊做神功妙济真君，赐倒一只匾额，写“竟王隆万寿”，故所以今下称其嘅庙堂，话万寿宫。又称做江西福神，男女都去敬拜，望佢保佑。宋徽宗封好多道教人为神，到亡国当时，冇一只神来救佢。这只许逊既然冇能为救其恩人，佢样边还救得别人呢？今下拜许真君侪，做乜嘅唔晓醒悟弃绝佢，来服事真神呢？
第五十三节 讲论宴公
宴公係江西临江府人，名戊子，宋朝时代人。既然中开进士，奉命出海，一往一来，唔曾遭倒有危险，因咁样有功劳，封佢做侯爵。至仁宗当时，辞职做子民，在後得病死开。今下人想倒佢在生忠厚，走海冇失误，作为宴公能保水道，故所以有好多冇知识嘅船户拜佢为神。殊不知行船嘅人，若使入新港口，或遇急滩，必爱请本土人，习惯水路嘅做稍公，揸舵来带水路，或使晓行水路嘅人唔曾到，船就唔敢行。可知所倚靠係在乎人，唔在乎晏公。今下做乜嘅咁愚蠢，唔晓醒悟呢？
第五十四节 讲论天后
天后係福建，兴化府，蒲田县，林氏女，名甜。其爸与其哥，打鱼为业艺，佢十八岁当时，在屋家纺织，有一日吹好大风，这只甜在眠床睡开。
在梦中讲狂话，其在侧边喊醒佢。这只甜就话，吾梦中在海面救我哥与老娣，吾用喙啣我哥，用手捉紧我老娣，因为母亲喊吾，吾下开喙，我哥就浸死开。係咁样与佢共围村住嘅人，就造谣言话，这只甜女，得倒道，有能为救海面风浪所害嘅人。到宋朝当时，封佢做灵应夫人，又至明朝永乐君封佢做天后圣母行水面。该等人，欢喜立倒天后像，在船望佢保佑，水路平安，各处也做天后庙来拜佢。谁不知每年海面沉船丧命，唔知几多，天后做乜嘅唔去救佢呢？竟係听倒死生有命，上帝主宰，能管风雨祸福；唔曾听倒敬天后，得倒保佑。可惜世间唔晓醒悟。
第五十五节 讲论张天师
查考鉴史，天师嘅祖公，係张道陵，习练老君教，炼丹画符，建醮酬神，驱邪捉鬼，当时极少人信。到唐明皇当时，有只张虚靖，用妖术骗明皇，有本事使人长命，明皇被佢迷惑，封佢做天师。但係明皇不过七十零岁就死，样边见得佢长命呢？到宋朝当时，有只张强耀，巧言诱惑，皇上徽宗就赐佢世袭，因咁样历代称做张天师。後代该等君王，唔查考其假处，依旧准佢，徒然食国家嘅俸禄，冇的益处畀国家与子民。若係讲其符头十分灵，徽宗败亡嘅日，佢冇本事画符来救，係咁样就係背恩。兼且又冇法来赶鬼，不过听倒其假名声，唔曾看倒佢行出实事来。天师嘅名，因佢学习星学，料理历数，前代用佢，有功受禄。自明到今，满下用西洋历数，张天係空存职位，佢出等符法行世，也係迷惑子民。天师唔倚靠上帝，样边晓赶鬼呢？
第五十六节 讲论神仙
自从开天地以来，有生就有死，係一定嘅理，独係有等贪生怕死嘅人，閗多求长生不老嘅术，误信老君道家嘅说，坐上运气，修药炼丹，但係佢到底也哙死，秦始皇、汉武帝，满下求长生不老嘅术，到底也冇应验。可惜有等好事嘅人，假造仙家小传，将富贵贫贱，男女老少八只字，装做八只人该名，称佢係八仙，弄假成真，就喊汉钟离、吕洞宾、张果老、曹国舅、篮采和、李铁拐、韩湘子、何仙姑，共竟为八仙。查考书中所载，这八只人，生在唐朝当时，有生有死，样边称得係八仙呢？汉武帝被术士诱惑，佢临死当时，就醒悟话：天下样边有仙人，满下也係妖魔邪怪，唔止，这就係阅历嘅说话，可见好仙嘅人，到底佢也知
【打 印】 【来源：读书之家-dushuzhijia.com】
